❞                      مش كل كلمه فوق كلمه تنفع تتقال وتتغنى ❝ 💬 في اقتباسات الكتب 📖

قراءة المزيد .. ❞        قطر الكلام

بقلمى منصور ابو عبدالله

*****************

وقف قطر الكلام عند الاصول واستنى

شاف ولاد الاصول بيهم الزمن بتسلى

وعلا على كتافهم هلفوت من اصله اتبرى

واستعجب الكلام كيف جاهل امرهم اتولى

************************

                                 سكنوا كبار المقام الترب والمقابر

                              وولد الاصول تلاقيه على المر صابر

                                      ووسط سكك الغلب اهو بيكابر

                              ويقول مسير رب العباد للخاطر جابر

***********************

زرع الارض الاساس اهو دلف وبار

والرخيص كلامه كما ضرب النار

لا همه مقام ولا يعرف يصون عار

والزمان الردى قهوته ساده وطعمه صبار

***********************

                          الزمن من غير اصول بقى عيشة متعابه

                       والناس بتقطع فى بعضها وكأنها فى غابه

                     وعديم الاصل الناس مسكاله طبلة و ربابه

                     تقلانه كفة القرش ومنداسة اخلاق الطيابه

************************

تبص فى عيون الخلق تلاقى النظره سهتانه

واللى يتكلم الحق فى زمنا تلاقى كلمته متهانه

وقصاد ضيق الحال تعمل ايه الناس الغلبانه

لو بالاصول تلاقى كل الخلق كرامتها متصانه

************************

                     وقف قطر الكلام عند الاصول وحلم واتمنى

                     مش كل كلمه فوق كلمه تنفع تتقال وتتغنى

            والاصل اللى اقصده بالاخلاق مش اسامى تتسمى

         ولا عمره كان بهدمة غالية وعبايه على الكتف تترمى

************************

الاصل والاصول والدنيا والدين محسوب بالاخلاق

ولا عمره كان نسب واسامى وجرد مكتوب فى اوراق

ولما يتعوج الزمن مايتحسبش أصيل اللى ركب وساق

فصلوا على اليتيم اللى من مقامه انحناله البراق

*********************

بقلمى منصور ابو عبدالله

     قطر الكلام . ❝